මතකයක දින සටහන්

ඇවිදයයි ජීවිතේ
සොඳුරු හිස් මාවතේ
දැනේ දෙනුවන්
දුටුව සිතුවම්
යලි මැවී
මා සිහිනයේ..

බර වූ සුසුම්
හඬ රැඳි දසුන්
දුටු රූ අඳුන්
සිහි වේ පැතුම්
හිත ලඟ නැතී
රුව නුඹ වැනී..

දින දින ගෙවී
මතකය රැඳී
සිහිවෙන යලි
පදවැල් මැවෙයි
හිස් පිටු ම වෙයි

කොටු වූ ජීවිත

කොටුවකින් බැස
පටු මාවත් දිගේ
තවත් කොටුවක් තුලට
කොටු වෙලා

කොටු කෙරුනු තිරය මත
කොටු වැටුනු අකුරු හා
ගොඩනගයි කොටු නොවූ
ජීවිතේ...

දිග කොටු සල්ලි කොල
මත මැවුනු ලෝකයේ..,
කොටු කපයි
කොටු මවයි
කොටු පනියි
මිනිසුන්,

පැන යන්න
සිහිනයේ...

සමුගැන්මක සටහන

සමුගනිමි සෙනෙහසින්
තවත් එක නැවතුමක
අවසානය වේවි
ජීවිතේ ...

සිනහා සැනසුම දුන්න
දුක කඳුල කියාදුන්
සැවොම සිහිකරම් මම
ආදරෙන් ...

අදින් පසු නොමැත මා
පියවි නෙත් මානයේ
විඳගන්න විඳවන්න
ජීවිතේ ...

මා මතක පිටු අතර
සිහින රූ ඇන්ද..,
ඔබ මතක පිටු අතර
මතකයක් ඉතිර කර
හැර යන්න සැරසුමයි
මා මෙසේ ...