වසරක් ගෙවී ගිය වග

වෙනසක් සෙවූ තවත් වසරක් ගතවිය මෙසේ
වෙනස් වෙන ලෝකයක වෙනස් වන මිනිසුන් මැද
වෙනස් වන්නට වෙහෙස වූ
එසවූ පා තවමත් එසේ

දින සති මාස
ගෙවී වසරක් නිමා වන සඳ
හැරී බලමින්
වැටුනු - හිනැහුනු ජීවිතය දෙස,

බලා ඉන්නට අවසරයි
තවත් එක් සිහින වසරක් දෙස

තේරුමක් නැති .

වරම් නැති මට ජීවිතේ - ලඟින් ඉන්නට ඔය නෙතේ
දුරක ගිය නුඹ ඇය කෙරේ - අයිති නෑ සිතුවිලි මගේ

මටත් හොරෙන් හිත ගිය දුරක - සිහිනයක අන්ධ වී සුසුමක
දෙලොවක් අතර තනිවුන - පාර සෙව්වා තනිවම

ගලවන්නට හැකි නම් - සිතුවිලි විටෙක දුක නම්
පාවි යන්න දුනි මං - දනිමි නොඇසෙන බව නම්

ආදරය ලොව මනරම් - දුකක් නෑ හිත දුර නම්
සිහින නෑ මට තව නම් - ගෙවනු හැර සිත සතුටින්